Donald Trump thubuai 4 orhter dingin thuthentu hnenah zuṭhum

US Congress thubuai zoihnittu the House of representatives select committee cun December 19 ah tonkhawmnak an nei ih US President hlun Ronald Trump thubuai orhter dingin thu an relcat.

Donald Trump cu thubuai (4) orhter dingah US thuthentu Department hnenah an thlen, tiah theih a si. 2021, January 6 ahkhan Donald Trump dinpitu pawl cun US lairalnak inn, Capitol luhhnawh in Joe Biden President ih nemhngeh a si lonak dingah buainak an tuah.

Himi thu thawn pehparaw in the House of Representatives select committee cun Capitol buainak hi thla 18 sung an zoihnit hnuah a sulsutu bik cu Donald Trump a si, tiin thubuai (4) orhter dingin thu an thlennak a si.

US thuthentu pawlkom cun the House of Representatives select committee ih thuburmi cu an pomsak lo thei vekin an pomsak thei fawn.

Donald Trump cun thubuai an tuahsak tummi parah anih thawn zianghman pehparawknak a um lo thu a elkalh ve.

the House of Representatives select committee ahhin Republican 2 an tel ih Democrate lam mi 7 an tel ruangah Hluttaw pahnih ih dinmi Committee a si, tiah pom a theih lo thu, a thok lamah an buai dah.

Be the first to comment

Leave a Reply

Your email address will not be published.


*