US President hlun Donald Trump ih tuatir nupi Ivana Trump cu July 14 ah mual a liam ih a thih thu cipciar cu tarlang a si hrih lo.
Ivana Trump le Donald Trump in fanau malsawm 3 an cawi ih a thih ahcun kum 73 a si, tiah theih a si.
“Anih hi duhnungza zet hringnun kaihruai thiam le nunau ropi zet a si,” tiah Donald Trump cun Instagram ah a ngan.
Ivana Trump hi Czech People’s Republic ih suak a si ih Donald Trump thawn 1977 ah innsang an din ih kum 15 an umtlang hnu 1992 ah an thenaw.
An karlakah fanau rilrah Donald Jr., Ivanka le Eric an nei. Ivana ih thih thu hi palik pawl cun rinlo paral ih thihnak a si, an zum thu AP thuthang cun a tarlang.
New York ih a inn kailawn ah Ivana Trump cu lungcimit in an sar ih cangsualnak ruangah a tla a si an zum.
Ivana Trump hi Donald Trump thawn an thenawk hnuah mahte sumdawnnak a tuah ih ceiawknak thilri zuar le lungmankhung zuar in a taihai.
Donald Trump thawn an thenawk hnu khalah an pahnih in an ngainaaw zet lai ih zarh khatah vei khat thureltlangnak an neih theu thu Ivana Trump cun a rel.
Ivana Trump thi thu ah US ih mi langsar pawl le a sumdawnpi pawl cun an uizia le an tuarnatzia an tarlang celcel.
Leave a Reply