Daw Suu damlo cingtein thuṭhennak zung a feh ih mipi pawl seherh le fimkhur hai dingin a cah ta

Myanmar mipi thumawknak bik Daw Aung San Suu Kyi cu mani lamah a damlo tiin thuhla a suah hnu tuni (September 14) zinglam ah Zambu Thiri Special Court ah a feh thei, tiah theih a si.

Daw Aung San Suu Kyi cu September 13 ah thuṭhennak zung ih va feh ding a si nan, a harhdam lo ruangah motor ri in a um. Curuangah ni khat a cawl. Tui’ zing ah thuṭhennak zung ah a feh thei, tiah a sihni cun a sim.

Asinan Daw Aung San Suu Kyi ih dam verver cu a si lo, a lu a zing deuh lai, tiah a sim. Daw Aung San Suu Kyi cun ram mipi pawl a seherh thu le fimkhur zetih um cio dingin a cah thu a sihni in a rel sawng.

President U Win Myint, rampi thuron Daw Aung San Suu Kyi le Dr. Myo Aung te hi an sihni pawl thawn an tongaw thei zo. SAC ralhrang in nawhthuh thubuai tel in thubuai 5 hrangah sihni pawl ih hmalaksak theinak pek an si ih Daw Aung San Suu Kyi khalin a hmin a kar, tiah theih a si.

Aung San Suu Kyi to run in Myanmar's November election - Los Angeles Times

Tuni ahcun President U Win Myint, rampi thuron Daw Aung San Suu Kyi le Dr. Myo Aung te pawl cu 505 (b) thubuai le khuarel siatsuahnak thubuai (Natural Disaster Law) pawl hmang in an thuhla relsak an si.

Be the first to comment

Leave a Reply

Your email address will not be published.


*