Daw Aung San Suu Kyi thubuai dang orhter bet dingin an zuam

Myanmar rampi thukungron Daw Aung San Suu Kyi in thubuai dang a orh men thei.

Open photo

Daw Aung San Suu Kyi ih umnak hmunram No. 54 sungih inn sak thu thawn pehparaw in Myanmar rampi thuron Daw Aung San Suu Kyi le a unau seu (cousin) U Soe Aung tei’ karlak thubuai rak um dahmi cu Union thuthennak zung in thar thawhsal rem an ti le ti lo, January 11 ah a fiang ding, tiah theih a si.

“2002 laiah No. 54 hmuan sungah U Soe Aung in sipin siannak tel loin inn a sak tum ih cumi cu Daw Suu in duh loin a el. Curuangah buainak a suak ih U Soe Aung in zu a tthum.

Another year fettered – Fifty Viss

Suu Kyi in a hmuan sungah luh i awih lo tiin a hek dah,” tiah thuthennak zung thawn naihniamaw zet mi pakhatin a rel. An buai laiah cun tongkam sia in an camaw ih U Soe Aung in kut tiang a thlak, tiah a sim hrih.

Cumi hnuah khatlam khatlam in ဗဟန်း peng, thuthennak zung ah hekaw ih Daw Aung San Suu Kyi cu cawhkuan sum 500 a pek duh lo asile ni 7 thawngto dingin le Suu Kyi kutthlaktu a unau seu U Soe Aung khal cawhkuan sum 10000 lole thla 1 thawngtla dingin daan an tat.

Himi thu thawn pehparaw in Daw Aung San Suu Kyi cun a cohlang lo ih cawhkuan sum hal a pek duh lo lawng si loin thuthennak zung ih an kawh khalah feh duh loin a nuar men.

Brother of Myanmar's Suu Kyi seeks share of family property | AP News

Curuangah 2021, May thla ahkhan nitlaklam thuthennak zung cun thubuai kelten fehpisal dingin an nemhngetsak, tiah theih a si.

Atu ahcun thuthennak zung a dotdotten fehpi vivo a si ih Union Supreme Court tiang a thleng zo.

Curuangah Janaury 11 ahkhan Union Supreme Court in an cohlan ding le cohlan lo ding, relfelnak an nei dingih an cohlan asile Daw Aung San Suu Kyi hin thubuai 1 a orh bet ding, tiah theih a si.

With Sale of Aung San Suu Kyi's Home, Myanmar Junta Seeks to Destroy Democracy Symbol

Atu tiangah cun SAC ralhrang in Daw Aung San Suu Kyi parah thubuai 19 an burhmi parah kum 33 thawngtla dingin daan an tat zo.

Be the first to comment

Leave a Reply

Your email address will not be published.


*