Daw Aung San Suu Kyi in SAC ralhrang UEC ih cakuat pekmi a la duh lo

Mani (September 14) Daw Aung San Suu Kyi thuṭhennak zung ih a va lang ṭum ah SAC ih hrilmi UEC in cakuat an rak pe ih Daw Aung San Suu Kyi in a la duh lo, tiah BBC cun a ngan.

Hi cakuat ca-ik pahnih hi office ihsin Daw Aung San Suu Kyi ih sihni pawl hnenah an pe ih sihni pawl cun Daw Suu hnenah an pe sawng. Asinan Daw Suu in a rak la duh riai lo.

Tufang hi SAC ralhrang ih hrilmi Union Election Commission (UEC) hin NLD party ṭhiat dingin an zuam rero laifang a si ih cu hleiah party tinih sumpai neihmi pawl khal an cekfel rero caan a si.

Daw Aung San Suu Kyi ih sihni pakhat Daw Min Min Soe cun NLD party khalin UEC a nei ko. UEC veve tongaw in relkhawmnak nei hmaisat ta a duh ruangah tu vekin Daw Suu hin cakuat a cohlan lonak a si, a ti.

Hiti vekin Daw Suu in cakuat a cohlan lo hi SAC ralhrang ih retmi UEC lungkimnak a neih lo ruangah a si thei, titu an um. Cuvekin daan lam ihsin zoh asile UEC ih cakuat pekmi cu ziang party khalin an cohlan a ṭul ih amahlawngte a sungih thu sawnah an lungkim lo asile el a theih ko, tiah simtu an um ve.

Outlook India Photo Gallery - Aung San Suu Kyi

Curuangah Daw Aung San Suu Kyi hin SAC ralhrang ih hrilmi UEC cakuat a lak duh lo cu an party NLD ṭhiatbal dingin lamzin a sial thawn an bangaw titu khal an um ve.

Be the first to comment

Leave a Reply

Your email address will not be published.


*