Kachin ramkulh, Putao khawpi sungih inn pakhatah rukru pakhat cu datsi (petrol) a ru ih a bike a tan ruangah a va hlamsal cu an rak kaih, tiah theih a si.
June 28, zinglam nazi 3 hrawngah khan, Putao khawpi, Airport veng (3) ih datsi zuar inn pakhatah misual cun an datsi ru in pung sungah a thun rero.
A thawmvang cu inntekte in an theih ruangah an tho ih an au. Cutikah rukru cu a tlan ih a bike a la man nawn lo.
Khua a van hnuah rukru cu midang vekin a tuahaw ih a thil ruknak inn ahcun a va fehsal.
A va thlen tikah a rualpa ih bike a si thu le a rualpa in hi inn ah a pawng (zuar) ti thu a theih ruangah tlensak dingin vekin a va relaw.
Asinan inntekte cun an rak theithiam lohli ih rualpa cu tangka tingkhat ih tlenter dingin an rak sim buai.
Cumi laiah palik an phone ih rukru pa cu tlansuak man loin an kai, tiah theih a si.
Leave a Reply