Dalan ruangah PDF sakhan pakhat sungral

Tanintharyi ramthen, Dawei District, Launglone peng, PDF sakhan pakhat cu Dalan ruangah SAC ralhrang in an siim ih PDF member pawl in an sakhan an suahsan thu, Launglone People Defence Force-LLPDF hnen ihsin theih a si.

No photo description available.

“June 30 zan ah dalan ruangah SAC ralhrang cun kan sakhan in ra siim. Ti ralkap (Navy) thawn tangrual in in ra siim,” tiah LLPDF hotu pakhat cun a sim.

PDF sakhan an ra siim ahhin SAC ralhrang 100 lenglo an ra ih ti ralkap (Navy) pawl khal tiva tluan ah long fate thawn an ra hai, tiah theih a si.

Khatlam khatlam doawknak a suak ih ralthuam thlauawk tuk ruangah LLPDF pawl cu dungah an sip. Hriamtuar PDF ralkap pakhat cu ralhrang in an kaih thu LLPDF in July 4 ah thu an suah.

May be an image of outdoors

“Ka ralkap pakhat an kut sungah a thleng. Kan tlansanmi kan ralthuam, sumpai manmual hnakin mipi ih in duhdawtnak manmual a khung deuh,” tiah LLPDF hotu cun a sim.

Tui’ dinhmun ah Launglone peng ahhin dalan le Pyusawhtee an tam zet.

No photo description available.

PDF ralkap pakhat ralhrang ih an kaihmi phuba la dingah nunnak thap rori in an dosal tum thu le mipi lam khalin a cangtheitawkih bomnak pe dingin dilngennak LLPDF cun an nei.

Be the first to comment

Leave a Reply

Your email address will not be published.


*