Shan ram thlanglam, Danu Autonomous, Ywaman Township, Nwa Bang Gyi uksuh, Pwa Na Phar khua ah PDF pawl ih siim ding a tih tuk ruangah CCTV ting 60 man lei in a inn ah a bun nan, July 13 ah thah a si thotho, tiah theih a si.
Ko Tin Moe timi hi SAC ralhrang hrangah Dalan tuan in a cangvai nasa ih PDF pawl tih in a inn hmaiah CCTV ting 60 man a bun.
Asinan hriamhrei kai mibur khat cun a inn ah feh in July 13 ah an thianfai. A ruak cu ralhrang in July 14 ah Ywaman sizung ah an fehpi hnu an vuiliam, tiah tualsungmi pawl in an sim.
“Anih hi Pyu Saw Htee rori a si ko. Nwa Bang Gyi khua ih inn pawl an urkang lai khalah amah in a hoha. Meithal tla a kol ih a inn hmaiah CCTV a bun ko nan, kah a si thotho. A hlanah cun ralhrang hin a inn an kilsak theu,” tiah tualsungmi pakhat cun a sim.
Kah thahmi U Tin Moe thu thawn pehparaw in Dalan hminthang a si hleiah Pyu Saw Htee hotu tiin tualsungmi pawl in an sim.
Leave a Reply