Covid-19 natnak in ralhrang nitin mi 30 lenglo an thi, an dinhmun a tha lo zet

SAC ralhrang kuttang ih Harhdamnak le Lehpannak tlangbawi zung lam cun ralhrang le an innsang pawl in ziangvekin Covid-19 nat an tuar timi a tarlang dah lo nan, a thupten theih a si thotho.

May be an image of 1 person, standing and indoor

Ralhrang hmunpi Nay Pyi Taw, Mawlamyine, Mandalay le Pin Oo Lwin pawl ah ralbawi sungkua pawl le ralkap maimai pawl khal oxygen khopkham loin an let phengpheng, tiah theih a si. Himi thu ngan laiah hn Commander in Chief le Deputy Minister of home Affairs tuan lai Lt-Gen Than Hlaing le a nupi Khin Thida Win khal Nay Pyi Taw ih ralkap sizung ICU room ah an ni netabik caan an hmang rero.

Mon ramkulh ih Mawlamyine ralkap hmunpi khal khar a si ih a sungih um ralkap le an innsang pawl ziangtluk Covid-19 natnak in a tuam, ti a theihtheih mai. An hotu General Ko Ko Maung le a nupi khal Covid-19 nat tuar in an hrum an ai ve.

Hi ralbawi nupi hin sizung um pawl bomnak tangka a zem ih a hnu rei lote ah amah khal a khuasik in a va cekaw cu Covid-19 a nei, ti hmuh a si. Sibawi pawl hnen ihsin a kai maw asilole amah in sibawi pawl a son simaw theih a si lo ih cutin sizung cu khar a si cih.

May be an image of outdoors

Kachin ramkulh ih Myitkyina khawpi ralkap hmunpi khalah an hotu Maj-Gen Myat Thet Oo khal a thupten thil rim a thei nawn lo ih khawsik cingin a hna a tuan thotho. Nat a zohawter cu Covid-19 a rak nei ve. A kuttang ih hnatuan pawl khal a son theh, tiah theih a si.

Yangon khawpi ihsin hla lemlo Bago khua ahhin cerek le meithal an tuah theunak Defense Industry’s Military Factory a um. Cutawkih hnatuan ralkap 300 lengloin Covid-19 an kai, ti July 20 ah theih a si. Hitawkih hnatuan mi 9 khal Covid-19 natnak in an thi zo.

Ralkap officer pakhatih reldan vek asile Mandalay ralkap sizung ahhin ralkap sungkua 10 hrawng cu a innsang innsang in Covid-19 natnak in an thi zo, a ti. Cu hleiah damlo roh zual deuh pawl cu Maymyo le Meiktila lamah an kuat theu ih an kuatmi pawl hi beisei an um vak lo, a ti hrih.

Ralkap sibawi pakhat cun ralkap zate le an nufa zate lawmmam in nat kan ceksakcawk si lo, nauhak le mino pawl cun dam theisalnak an nei ko nan, kum upa pawl cu an dinhmun a tha lo zet. Ralkap innsang damlo hmuahhmuah sizung ah kan itter thei lo, anmah le innsang cioah zohkhenaw hai dingin kan cah ih oxygen an mamawh dan ihzirin kan pe men, a ti.

Yangon khua Mingaladon ralkap Medical Nursing School khal khar hrih a si. Ziangahtile an saya le tlawngta pawl Covid-19 in a tlakbuak ve hai ruangah an zaten an damlo theh. Zangfah an um lamlam.

May be an image of 1 person and standing

Cun, Mingaladon ih ralkap sizung tum zet ihkhun 1000 umnak khalah ralkap damlo pawlin an luahkhat theh ruangah rinhlelh thil thu ih ra piahaw pawl khal mah le sakhan ah ni 10 sung khumaw hai dingin an cah men.

Myanmar Now cun SAC ralhrang rual pawl ziangtluk Covid-19 natnak in a cilbuai ti le an dinhmun theih tumin Zaw Min Htun biak an tum nan biaktlang theih a si lo thu, an tarlang. A leng ihsin an theihmi le a sungih hnatuan hnen ihsin an zum dan menah ralkap sungkua lak ihsin nitin Covid-19 natnak ruangah mi 30-40 hrawng an thih ringring, an um. Nat ngahtu cu nitin an karh vivo thei ruangah rel a theih lo, an ti.

Cu lailakah MRTV le MWD cun zianghman a phuang duh lo ih Oxygen le arti thu bak phuanmi an nei lo.

Be the first to comment

Leave a Reply

Your email address will not be published.


*