CNF Chairman Pu Zing Cung ih Kum Thar Thucah

Mipi le ralhrang hamttan doawknak a si vekin nehnak kan dawh ban ah a um, tiah CNF Chairman Pu Zing Cung in sim.

Open photo

Myanmar ramsung buainak cu SAC ralhrang uknak duh loih dothlengnak, ramhrin zalennak hrang dothlengnak le ralhrang thuneih hamttam pawl le mipi karlak doawknak, thil dik le thil dik lo hrualawknak, thuphan le thutak doawknak a si vekin kan dawh ban ah nehnak a um zo, tiah Chin National Front (CNF) Chairman Pu Zing Cung in a sim.

CNF Chairman Pu Zing Cung cun Kum Thar thucah ah atuvekin a sim.

“CNF hi tlangpar hriamhrei kai pawlkom, CDF, PDF, SAC ralhrang uknak karsiat dingih dothlengnak tuahtu pawl, ramdang ihsin SAC ralhrang dotu pawl thawn kut ong zomaw in ral kan do rero.

Chinram humhim dingah Chin miphun in tuanvo kan neih vekin kan liang parih kan tuanvo pawl hlensuak ding kan baksam.

2023 ih sawmngiarnak pakhat a simi cu SAC ralhrang in ram pumhuap hrilawknak a tuah tummi a si.

Hi hrilawknak hi ralhrang uknak hnuk sauternak men a si ih ral thu le ramthukhelnak hriamnem dingih tumtahnak men a si ruangah kan zaten kan dokalh rori a tul.

Ramthukhel party pawl khalin SAC ralhrang hrilawknak ah tel loin hrial cio uh,” tiah a sim.

CNF/CNA hi Chin ramkulh hriamhrei kai pawlkom dangdang thawn SAC ralhrang uknak dotu hriamhrei kai pawlkom pakhat a si.

 

Be the first to comment

Leave a Reply

Your email address will not be published.


*