CNF/A in ca a suah hlanah an casuah tummi putdarh

CNF/A Headquarter in ca an suah hlanah an hmincawi in casuah.

Chin ramkulh Rih-Kalay lamzin cu hmunram humhimnak hrangah December 18 ihsin 2023, January 5 tiang khar a si ding, tiah CNF/A Rih tuanvoneitu pawl ih hminkhennak in thusuah a si ih hi thusuah hi Headquarter ih siannak a si lo, tiah theih a si.

Hi thusuah cu December 17 ni khen in online ah a putdar ih CNF/A Headquarter siannak lak hlanah a putdarh.

CNF/A Rih tuanvoneitu cun, “SAC ralhrang pawl hi ni sunglawi (Christmas/Kum thar) caan bat ah ralthawh an tum, tiah thuthang a suah ruangah lamzin khar dingin casuah kan tum rero laiah hi ca a putdarh.

Hi casuah hi Heahquarter ah thlen a si ih an nemhnget hrih lo,” tiah a sim.

Hi casuahmi thu thawn pehparaw in PDF-Zoland an lungawi lo zet ih an ramsung ah hriamhrei kai pawlkom dang hrolhawk an cohlan lo thu le Teddim peng sung, khualtlawng pawl hrangah thu poipeng a um asile anmah PDF-Zoland in thusuah le theihternak nei dingin January ni 15 laiah thu an rak suah zo. (Zalen).