CNDF ralkap 2 in ram le miphun hrangah nunnak liam

May 29 dothlengnak ah CNDF ralkap ihsin mi 2 in ram le miphun hrangah nunnak an liam, tiah theih a si.

Chin National Defense Force (CNDF) ralkap paraltha (Commando hmin: Bahubali) Salai Van Thawng Awi (kum 32) cu amah ih tiamkamnak a tuah vekin 2022, May 29 ah Kalay peng ralram hmun pakhatah raldo phah in ram le miphun hrangah a nunnak a liam, tiah CNO page cun a tarlang.

Cuvek thiamthiam in Salai Van Lal Buat Saih (kum 36) khal Kalay peng ralram pakhatah mine (bomb) cangsualnak ruangah ram le miphun hrangah a nunnak a liam ve.

Cun, May 29 thotho ah SAC ralhrang pawl in Falam peng, Zawlpi khaw thar (Bualpi) Pa Za Hum Mang kum 37 an kap that ih CNDF uniform hruhter in CNDF kan that, tiah ralhrang lam cun an tarlang fawn.