CNDF, PDF Kalay, RKDF, GRF le tangrual pawl in ralhrang motor runpi an kah bor

Tamu-Kalay lamzin ih ralthuam phur SAC ralhrang runpi, PDF Kalay RKDF, GRF ၊ မြောက်ပိုင်း ပကဖ ၊ CNDF HNB ၊ ကလေး UGF S2 leဒေါင်းသွေးရာဇာ in lamzin ah an rak kap.

No description available.

India ihsin SAC ralhrang ih leimi ralthuam phur motor runpi cu Tamu ihsin Kalay pan ih a poksuak hnu zarh hnihnak khalah Kalay a thleng thei lo.

Lamzin tluan ah tangrual pawl in mine an rak puah, ralthuam tum le meithal in vei tam zet an rak kah thu PDF-Kalay cun thu an suah.

SAC ralhrang motor runpi cu No. 1 cinthlak le vulhzuat sakhan ih an riah hnu November 26 ah Kalay pan in an poksuak.

Zinglam nazi 10:30 ihsin simlam nazi 4 tiang, 56 khua le  မြလေးတောင် karlak PDF Kalay ih mine puah pawlkom in vei 6 an rak puah hleiah drone le ralthuam tum in an rak kap fawn.

Ralhrang motor cu hmailam pan thei loin lamzin laklawh zetah an riak, tiah theih a si.

No description available.

SAC ralhrang cun ralthuam an phurhmi tualsung hriamhrei kai pawl in rak bawh ih an kah vet-tak theu ruangah pol lo an pol ih nunau thawngtla 3 le ramthukhel thawngtla thenkhat thawn an zaten 10 an lasuak ih milai ralphaw ah an hmang, tiah  Ranger Kalay Defend Force-RKDF hnen ihsin theih a si.

Tamu-Kalay lamzin ih kahawknak ah  Ranger Kalay Defend Force-RKDF  ihsin mi 2 in hriamhma an ngah ih SAC ralhrang lam 3 an thi, tiah theih a si fawn.

November 26 ah Kalay peng saklam, Kalay-Tamu lamzin  ရာဇဂြိုဟ် pialnak ah simlam nazi 2 hrawngah tualsung hriamhrei kai tangrual a simi RKDF, GRF ၊ မြောက်ပိုင်း ပကဖ ၊ CNDF ၊ HNB ၊ ကလေး UGF S2 le ဒေါင်းသွေးရာဇာ  in SAC ralhrang an kap. Ralhrang 3 an thi ih hriamhma ngah khal an tam zet, tiah RKDF in thu an than.

RKDF ihsin mi pahnih in hriamhma an ngah ve. An lu, an vokkuangruh, kawngpi le kut ah hriamhma tenau an ngah, tiah an sim.

“An hriamhma cu cutlukin a roh tuk lo. Asinan mi pakhat cu a kedil a parh thluh,” tiah RKDF ih tuanvoneitu in DVB hnenah a sim.

No description available.

Atufang doawknak a sosan vivo thei lai ruangah Kalay-Tamu lamzin ah zohman khualtlawng lo dingin RKDF cun mipi an theihter.

Be the first to comment

Leave a Reply

Your email address will not be published.


*