CNDF ih a ṭum hnihnak Conference neihmi ih thusuah (Chin ṭongten)

Chin National Defence Force cun, 2023, January 6 ihsin 9 tiang ni 4 sung, CNDF raldo hmunpi (War Office), Camp Rihli, Chinram a ttum hnihnak Conference an hmang, tiah theih a si.

No photo description available.

Hi CNDF Conference ah CNO Defense Council, War Office le Brigade 4 ihsin palai 60 le hliakhlaitu (observer) 30 thawn mi 90 hrawng an tel thei.

1. Hi Conference ahcun CNDF ih department tin le Brigade, Battalion pawl ih kum khat sung an cangvaihnak, sumpai lakluh le hmansuahnak pawl theihternak le thlirsalnak an nei ih hmailam kekar dan ding pawl khal an rel.

2. Brigade pali le War Office ih hnatuan zemawknak, luah ram khiahawknak, sumpai tuaktonak le ni sunglawi hleice hman dan ding pawl an relkhawm.

3. Daan, serh le sang thawn pehparaw in hremnak pekawk thu thawn pehparaw in ralkap thuthennak zung cu Brigade, War Office le Defense Council tiin a dotdot in tuanvo pek a si ih mipi rinsanmi mipi ralkap si dingin fehphung an zingkhawm.

4. Mawhnak nei lo, mipi renlo baksak ih thattu, mipi inn le lo nawhkangsaktu le mipi ralkap pawl vanzam tiangtiang ih kaptu SAC ralhrang ih tuah dingmi hrilawknak cu Chin ramkulh Falam peng le Chindwin tlunlam (Upper Chindwin) ah tuah lo dingin CNO/CNDF in a kham. Kham cingin hrilawknak hlawhtling dingin a bawmtu bulpak zo vek an si khal le CNO/CNDF in a hamkha thei bikin hremnak a pe ding a si.

May be an image of 1 person

5. CNO/CNDF cun thuneihnak hamttam SAC ralhrang uknak a zunghram ihsin karsiat, Chin miphun tundinnak le Federal Democracy rampi dinsuah a si theinak dingah a cemnet tiang raldo a tum thu, an thusuah ah an tarlang.

Be the first to comment

Leave a Reply

Your email address will not be published.


*