Ram le Miphun tundinnak hrangih ralkap din hi Pathian thu thawn a kalhawknak a um lo.
Laithah lo ding thu daan rak kengtu Moses khalin Israel ralkap a din. David san khalah Israel ram in ralkap a nei.
Ralkap an neih lo san cu mi ih sal le mi ram ih an um sung lawngah a si theu.
Ral pawl kut sung ihsin ka lo runsuak a titu an/kan Pathian in an ralkap hmang loin ram a dinsak dah lo. Gideon in Pathian cahnak lawng rinsan ih ral a do tum hmanah ralkap recruitment a tuah ih 30,000 leng a khawl ta hnu lawngah a poksuak, filter tuah hnu khalah ralkap 300 an tang thotho.
Kannih Laimi (Chinmi) in Pathian hnenah Israel mi na hruai le na rundam vekin kan ram in tungdingsal aw kan ti tikah tundintlak dingin ralkap felfai kan neih ve a tul. Cui’ Chin Ralkap pawl hmangin Pathian in Chinmi pawl parah a kutcak a langter dingih kan ral pawl parah nehnak in pe ding.
Chinmi in Ralkap felfai kan neih theinak dingah pumpeaw ih ralkap tuantu um kan tul vekin an dunglam ih sumpai le thlacamnak thawn a bombawitu Chin mipi kan um a tul.
CNDF CS hi atufang New Delhi ah FRO ih tuahmi Chin Kum Thar Puaipi hmang dingah khuallian ih sawm a sivekin CNO GS thawn Delhi khawpi ah an cam laitak a si. CNDF CS cu biakinn tinah khawmpinak nei in forhfialnak a nei vivo, tiah theih a si.
Leave a Reply