Chindwin tivapi tluan ih ni 12 sung doawknak ah PDF 5 nunliam

Sagaing ramthen, Yinmapyin pengpi, Chindwin tiva tluan ah SAC ralhrang le tualsung hriamhrei kai pawlkom doawknak ni 12 sung a thleng ih PDF 5 in nun an liam, tiah 2023, January 2 ah thu an than.

Chindwin vapi hrawh in SAC ralhrang lamcaw phur long pawl tualsung hriamhrei kai pawl in December 18 ihsin ni 31 tiang, ni 12 sung rori, an hnaihnok.

Ralhrang long cun a tumtah vekin khualtlawn a tluan lo ruangah vanzam tiang an thlah ih vanzam ihsin a kah bawm, tiah PDF tangrual in an thuthan ah an tarlang.

Hi kahawknak ah ralhrang 100 lenglo an si ih a sawmtel an thi. PDF tangrual lam ihsin 5 in nun an liam ih 10 hrawng hriam an tuar, tiah theih a si.

Ralhrang lamcaw phurhnak long rak kaptu pawl cu KLG(ကျောက်လုံးကြီးတပ်မဟာ)၊ Alpha Special Force၊ Truth Of Force၊ Triple Two၊ ချင်းတွင်းဂဠုန်ရာဇာ၊ Yinmarbin Local PDF၊ Yoma Fighter PDF ၊ ဗိုလ်မုတ်ဆိတ်(တပ်ခွဲ)၊ ရတနာပုံတော်လှန်ရေးတပ်ဖွဲ့၊ ဗျတ္တညီနောင်၊ ချိုမိုင်မိုင်၊ B 21 PDF၊ ချင်းတွင်းတိုက်ဂါး(LPDF)၊ ထန်းထပင်(LPDF)၊ Chindwin Tiger(PDF) an si.

Be the first to comment

Leave a Reply

Your email address will not be published.


*