China ram laifang cu Typhoon phir Cempaka le In-fa tei’ unau in an nuai (video)

China ram laifang ah July 26 zinglam nazi 9 ah Typhoon thli sia phir Cempaka le In-fa cun a nuai ciamco.

Hi Typhoon thli sia phir Cempaka le In-fa hin tipikam tluan a hrawh hnuah Zhejiang Province Kyoshan City ah a lut ih ruah tak zet a sur hleiah thli khal na zetin a hrang. Runhimtu pawl cun Zhejing mipi pawl cu long in an thiarsuak ciamco. Jiaxing ramthen lam khalah mipi cawlhbuk an tuah ih cunah thli le ruah ih a siatsuahmi mipi an retkhawm hai.

Hi thli le ruah hi a na zetih thli cu nazi pakhatah peng (86) cak in a hrang. Video pakhatih a langdan vek asile lamzin ih feh men khal a zam hlo zikte. Hmun thenkhat ahcun nazi pakhatah peng (96) tlukin a cak.

Hi Typhoon In-fa in minung 114000 inn le lo suahsan in an um. Inn le lo siatsuahmi, thil le ri sunral zat hi China tangka in Yuan 4.67 million ($721,000) a si ih minung 155000 cun humhimnak hmunah an um.

China typhoon

Kan dung July (20) ah tilik ruangah Henan ramthen sungah siatsuahnak nasa zet a thleng zo.

Be the first to comment

Leave a Reply

Your email address will not be published.


*