China ram, laifang ah Jet Fighter pakhat cu raldo dan zir ih a zam rero laiah a tla ih lei parih mi pakhat a tlak that hleiah mi 2 hriam an tuar, tiah China thuthang cun a tarlang.
China acozah hi raldonak thu ah an cangsualnak pawl an thup theu ruangah thuhla cipciar in theih ding a um lo.
Jet Fighter cu a cangsual ih khawpi sungah a tla, ti le zohman siatsuah riai loin Fighter mawngtu cun a mawng thiam tivek hrawnghrang hi an phuansuah dan a si.
China raldonak vanzam hi fimkhur loin an zam thei ruangah cangsualnak an tong phahphah ih acozah lam an thinnuam lo zet.
G-7 phun Jet Fighter pakhat cu June 7 ah Hubei Province, Xinjiang Airport kiangah a tla, tiah Chinna Daily News cun a tarlang.
Vanzam a tlak ahhin vanzam mawngtu cu a khirsuak thei ko nan, inn le lo siatsuahmi a nei, tiah thuthang cun a tarlang hrih.
A tlak tikcu hi an rel lang lo ih vanzam mawngtu 2 cu sizung ah an kuat feh zo, tiah theih a si.
G-7 vanzam hi Engine 1 lawng a si ih a kum khal a upa zet. 1950 hrawngah Soviet MIG-21 raldo vanzam thlahsawng vivo a si.
A liam zomi kum 50 hrawngih sersuahmi vanzam a si ruangah 2013 ah sersuak nawn lo dingin an relcat.
Asinan a hlun umcia pawl cu a tulnak hmun ah hmang hrih dingin an thawmmawi rero lai.
China hin G-7 vanzam hleitla lai a nei ih a zuar phah rero, tiah theih a si.
Leave a Reply