China in Taiwan a kah asile thilthleng theimi mithiam pawl ih thlir dan (24)

China in Taiwan a kah asile leitlun thuthennak lole Communist party a siat phah ding, tiah mithiam pawl in sim.

No description available.

US ih hrambun a zalenmi “Strategic and International Studies Group” cun China hin 2026 ah a tumtah vekin Taiwan a kah asile leitlun ralkap thuthennak a hmasuan lole Communist party a tlase dingih China ramsung a hngor siat ding, tiah January 9 ah an hmuhdan an pholang.

‘The First Battle of The Next War’ timi thulu pe in ralbuainak ih hrinsuah dingmi an hliakhlai ih thil 24 an hmusuak.

An hmuhsuahmi ahcun Taiwan hi mahte Democracy uknak thawn zalen zetih ukawk thei ram an si ih China in kah tteu-tti a tum asile Taiwan, China, US le Japan ralkap a thawngsawmtel an thi thei, tiah an sim.

Ral a daih hnuah US vanzam phur longpi a malbik 2 cu Pacific tipithuanthum taw-ne an thleng ding ih leitlun ih a tumbik santhar China tidai ralkap burpi khal a kekkuai thluh ding.

US le a tanrualpi ram pawl ih long tor le seng, vanzam siarcawk lo an siat ding ruangah tharthawhsal dingin a kumtel a tul ding.

Taiwan ih sumdawnnak cu tuvekin kellawhsal dingin san ziangmawzat ttan an khawhsal a tul fawn ding.

Cu hleiah China hin a zum vekin Taiwan a la ngaingai thei lo ding ih China ramsung ukawknak a hngor siat phah ding, tiah an sim vivo.

China hin Taiwan a kah tum taktak asile US in Japan ah ralkap bu khar a din ding ih amah rori in direct in a kaihruai ding.

No description available.

Cutin Russia in Ukraine a siim ih a hrumhrulh bangin China cu vansang tiril tok in a talbuai ding, tiah an hmuhdan an tarlang.

Be the first to comment

Leave a Reply

Your email address will not be published.


*