China cun nitlaknak ram pawl ih ciahneh duh loin Mirangca zir a khap vivo

Nitlaknak ram (Mirang ram) pawl ih ciahneh a duh lo ruangah China cun fimzirnak tlawng pawl ah English zir a khap vivo tum.

How many words do you need to speak a language? - BBC News

The New York Times ih a tarlang dan vek asile China ram ih nunphung, sumdawnnak le ram thu pawl ah Mirangca in hmun a luah tuk ruangah cumi pawl dodalnak ah Mirangca zir an khap vivo thu China vice president Li Yuanchao ih a simmi a si.

Ramdangmi cawhrawi zetnak China khawpi Shanghai ih fimzirnak hramthok tlawng le phunhra tlawng pawl ah Mirangca in exam an tuah theu cu an khap rero thlang, tiah The New York Times cun a tarlang fawn.

Shanghai thuneitu pawl in hiti an tuahnak hi nitlaknak ram pawl ih ciahneh an duh lo ruangah a si bik ko nan, khatlamah an ram cu dunglamah an kirpisal tluk a si ih a tha lo zet, tiah an sim. Nikum lai ihsin hramthok tlawng le lailak tlawng pawl ah ramleng ihsin cabu cah an khap zo, tiah an sim fawn.

Fun ESL Games and Activities for Kids & Teens – BridgeUniverse – TEFL Blog, News, Tips & Resources

Phunsang tlawng luh theinak exam caan khalah Mirangca ih tuah nawn lo dingin acozah ruahnak petu pawl in tui’ kum ihsin ruahnak an pe thok zo. Thuthuangca le magazine tivek suahtu pawl khalin Mirang thuthang ta sirhsan ih let nawn lo dingin hmin tarlang duh lo, phunsang tlawng ih zirhtu pakhat cun a khap hai.

Acozah ih siannak vekin zirlai bu tuahtu pawl khalin anmah China kum upa pawl ih thu sirhsan in le party hrangih rinumnak sirhsan in cabu ngan cio dingah forhfialnak an nei ih ramdang ca pawl hrial vivo dingin an sim.

Shanghai khawpi ih hramthok tlawng pawl ah Mirangca thupi bikah ret loin santhar mino pawl in China pipu tongkhun pawl hliakhainak le president Xi Jinping ih khawruahnak nganmi cabu pawl zirnak le hliakhlainak nei dingin an forhfial.

Communist Party ih zulhphung le ukawknak, phunpi lungthin nei dingih zirhawknak pawl nei in kum 1950-1960 hrawngih an fehphung pawl zirh uarsal in leitlun ramdang pawl thawn pehtlaihawknak an hlat vivo tum, tiah an sim.

China acozah ih theihpimi Media hrekkhat khalah cahram an ngan ih US hin China parah raltho duhnak thawn a do ringring. 2008 ihsin sumdawnnak ah a hrekhawn vivo ruangah China hin Mirangca an ngainat lo deuhdeuh thu pawl an ngan uar nasa.

EXPO 2007

President Xi Jinping hin langpau takin Mirangca a dozia a langter lo nan, Mirangca in China rampi a ciahneh ding cu a duh hrimhrim lo, tiah Li cun a sim. A hleice in Coronavirus ruangah China hrinhro a ton khal hin hngor nasa zet a nei ih China hin ramdang pawl thawn an pehtlaihawknak a tlakniam phah, tiah The New York Times cun a tarlang.

Be the first to comment

Leave a Reply

Your email address will not be published.


*