China ah Chinnu mualliam, a innsang an pehtlaih thei hrih lo

China ram, Gaungzhou khawpi, Than Ho veng ah Chinnu Van Bawi Sung cu January 11 ah mual a liam ih a ruak cu zohman suthlamtu an um lo ruangah vurbawm ah an ret, tiah theih a si.

No description available.

Chinnu Van Bawi Sung hi Chin ramkulh, Falam peng, Ramthlo khawmi Pu Biak Kham le Nu Tin Cer tei’ fanu a si. A thihnak san bik cu lungphucawl ih rinlopi’n a thi, tiah theih a si.

Van Bawi Sung hi thuthang pakhat ahcun Hakhalay ah an vai ih fate pahnih Cung Lian Sang kum 12 le James Lal Ruat Sang kum 9 mi a nei. A fate pahnih cu a nu le pa cu raltlan in Mizoram ah an feh ih anih in China ihsin a cawm, tiah an tarlang.

Atu tiangah Van Bawi Sung ih sungkhat zohman pehtlaih theimi an um lo ruangah China ih Myanmar Embassy ah bomnak an rak dil, tiah theih a si.

A rualnu Van Bawi Zi Hlawnceu cun a tanglam bangtukin a ngan.

“Himi ka rualnu hi January ni 11 ih in thihsantu kha a si ih, amah thawn naivai zetih umtlang le kom w dahtu a paisa kuat theunak rak theisak pangtu le, a pinu biaknak theitu nan um asile zanfahten Inbox ah in bia hram uh.

No description available.

A phone hi palik in a ruak thawn an lak cih ih a phone check thei si fawn lo ih cunah zangfahten kan tul tuk rori.

Be the first to comment

Leave a Reply

Your email address will not be published.


*