Chin tlangval Delhi kiang a hnaṭuannak ah sungdok le luakluak in a thi

India ram khawpi Delhi khawhnar, Noida ih hnatuannak ah Chinmi Tg. Pau Ngaih Thang @ Thang Tawng mual a liam, tiah Teddim Times sirhsan in theih a si.

No description available.

An hnatuannak hi OPPO company inn saknak ah a si ih ṭhal ni sa tuk ruangah damlonak sungdok a tam zet.

Tg. Pau Ngaih Thang (kum 19) cu June 14 sun ah a sung a dok ih a luak fawn. A hnatuannak ah sunvu sungdok le luakluak in a um ih ziaum lam a pan thei lo ruangah a rualpi pawl in sizung ah an fehpi. Asinan dam thei nawn loin sizung ah June 14, simlam nazi 5 ah a nunnak a liam.

Sibawi cun, “Nan ra tlai tuk” tiah a rak ti, tiin Noida ih hnaṭuan hotu pakhatin a rel.

No description available.

Tg. Pau Ngaih Thang hi Delhi a thlennak a rei hrih lo. Myanmar ram buai ruangah mai’ ram ah um ngam loin India ram, Delhi ah a feh. Cutin Delhi a thlen veten Noida lamah hnaṭuan a lut cih.

Noida ahhin China Company a simi OPPO le VIVO innpi saknak ah Chinmi 200 kiangkap hrawng hna an tuan.

An hlawh zat ih thla khatah Rs. 15000 a si ih mahte rawl cawmawk a si. An hnatuannak company in umnak room a pe hai ih mahte rawl an suang. Chinmi an hotu pakhat cun, “Kanmahte rawl kan suang. Tenren thiam ahcun thla khatah Rs. 12000 hrawng kan khawl thei,” tiah a sim.

May be a closeup of 1 person, sky and text that says 'ENCOLNIE EXODUS ExO US EXODUS 3 EXODUS -'

An tlanlen dan thu ah, “Kan umnak room cu a remcang lo zet. Ekinn ṭhiṭha a um lo. Nikhua le a sa tuk ih pangka (fan) lawngin ka um tikah zan ah ihthah a theih lo,” tiah a sim.

Be the first to comment

Leave a Reply

Your email address will not be published.


*