Chin ramkulh sikhan hrangah Paing Phyu Thu in Fund hawlsak ding

Chin ramkulh sikhan pakhat ih tulsammi sivai le thilri leinak ah Crochet thil phiarmi zuar in Paing Phyu Thu in fund a hawlsak ding thu theihternak a nei.

No description available.

A thil phiarmi pawl cu US Dollar 10 rate in ticket zuar a si dingih mah le umnak ram cio ah US Dollar 10 thawn tlukawmi sumpai in nan lei ding, tiah anih cun a sim.

“Crochet hnipuan zuar in Fundraising campaign kan thok ding. Tuitum cu Sokhlei parnak hmun ih sikhan hrangah a si ding. An tulsammi sivai le thilri leinak hrang, raltlan bomnak le CDF paraltha pawl in sanman zetih an zohkhenawknak hrangah ka bawm ding,” tiah Paing Phyu Thu cun a ngan.

Atu-ahhin Paing Phyu Thu cun amai kut rori ih a phiarmi vaidip 2, le lukhuh, angki an si ih a tuldan vekin cangvaih vivo a tum, tiah theih a si.

No description available.

USA, Australia, Singapore, Thailand, Malaysia, Japan le Norway ram pawl ah lei theih a si dingih ramsung khalah a rei hlanah lei theih dingin tawlrel vivo ding a si, tiah anih cun a sim.

Be the first to comment

Leave a Reply

Your email address will not be published.


*