Acozah hnatuan CDM tuahtu 40000 kiangkap, kum 2022 tiangah Myanmar tangka ting 12000 lenglo kan bawm thei, tiah NUG an sim.
An bom dan tlangpi cu emergency thil, nuntu khawsat harsa zual le naute neih caan tivek a si ih anmah le dinhmun ihzir department in bomnak kan zem, tiah NUG ih thuphuangtu ဦးနေဘုန်းလတ် cun Mizzima thuthang hnenah a sim.
“CDM zate cun khopkham ko, kan bawm thei lo,” tiah anih cun a sim hrih.
SAC ralhrang in Myanmar rampi thuneihnak a lak hnu acozah hnatuantu pawl cu mah le hnatuannak department ihsin CDM an tuah ih CDM tuahtu hi ram pumhuap ah mi 185,000 kiangkap an si.
“Department pakhatah CDM a tuah lo ngaingai an um lo. A then cu an zung tiang hnatuan thei nawn loin an cawlh phah,” tiah ဦးနေဘုန်းလတ် cun a sim.
Asinan CDM tuahtu pawl hi nuntukhawsaknak, sum le pai an har hleiah an nunnak tiang ttihphanza dinhmun ah an thleng deuhdeuh, tiah theih a si.
Leave a Reply