CDF-Zotung lakah buainak picang zet a suak ih Ro Thong Ling, Pa Bawi, Aa Bawi, Moses, Benjamin le William te pawl ih hohami ralkap 40 lenglo cu CDF-Zotung hmincawi thotho in a hranten an um.
Curuangah CDF-Zotung, Zotung Organization (Spreme Council) cun thusuah (10) tlangthannak an nei.
1. 23 Feb, 2022 ah CDF-Zotung, Zotung Organization (Supreme Council) bylaw kan thiat a si.
2. 23 Feb, 2022 ah CDF-Zotung, Zotung Organization (Supreme Council) in Commander-in-chief ih retmi sinak ihsin kan hlon.
3. CDF-Zotung, Zotung Organization (Supreme Council) hnenih NGO bomnak sumpai ting 50 cu CDF-Zotung hmin hmang in suah a si hnuah CDF-Zotung, Zotung Organization (Supreme Council) hnenah ap loin le tuni tiang cazin piah thei loin a um.
4. 26 Sep, 2021 laiah Ro Thong Ling cu CDF-Zotung, Zotung Organization (Supreme Council) aiawh in CJDC palai ah hril a si ih CJDC hnatuanmi pawl CDF-Zotung, Zotung Organization (Supreme Council) hnenah simthannak a neih lo ruangah 17/01/2022 ah CJDC palai ah hril a nawn lo. Asinan amai’ thuten CJDC a pehtlai thotho ih a thupten CDF-Zotung palai vekin tuni tiang a um.
5. Ralthuam leinak hrangah ting 1500 Ro Thong Ling in a suah ih ralthuam lei loin le sumpai cazin khal a hmuh thei lo.
6. 2022, June 10 ah CDF-Zotung, Zotung Organization (Supreme Council) ih Battalion 1 cu siim a si ih cumi laoah thisen in ih thukamnak a tuahpi pawl phatsan in Gangaw-PDF pawl va kom in CDF-Zotung, Zotung Organization (Supreme Council) Battalion 1 ih siim a si. Himi ah ralthuam tam zet a la.
7. Zotung khua pawl ah feh in CDF-Zotung, Zotung Organization (Supreme Council) cu zohman in zum lo dingah khuami pawl a thlem ih a kokhawm hai. Inn khatah Ks. 5000 ciar a dil fawn.
8. CDF-Zotung, Zotung Organization (Supreme Council) ih fialnak tel riai loin Zotung ramsung ah check-gate a tuah ih motor le khualtlawng pawl hnenah sumpai khong in hlawh a rak tum.
9. Zotung hrinhnam le dothlengnak ah lungrualtlang dingin CDF-Zotung, ZOtung Organization (Supreme Council) in vei tam zet thurelpinak neih a si hnu khalah thungai duh loin CDF-Zotung, Zotung Organization (Supreme Council) cu doral zoh in an do ruangah a dungthluntu minung 45 pawl cu CDF-Zotung ihsin kumkhua kan khak a si.
10. Hi thusuah ni ihsin thok in CDF-Zotung, Zotung Organization (Supreme Council) hnenah ralthuam zaten ni 14 sungah ap lo asile an ap hmanah kimcangten an ap lo asile a ra thleng theimi buainak ah CDF-Zotung, Zotung Organization (Supreme Council) cun tuanvo kan la lo ding.
CDF-Zotung, Zotung Organization (Supreme Council)
Leave a Reply