Mindat khawpi doawknak ah CDF-Mindat pahnih in ram le miphun hrangah an nunnak an liam bet, tiah CDF-Mindat hnen ihsin theih a si.
June 29, Mindat peng, Palungtui doawknak ah CDF-Mindat ralkap pahnih an hlo ih June 30, simlam nazi 1 hrawngah thi cia in hmuh an si.
Hi CDF-Mindat ralkap pahnih hi ralhrang in rapthlak zetin an that, tiah CDF-Mindat cun thu an suh.
Himi ni thotho ah SAC ralhrang lam cun ralthuam tum an kap ih CDF-MIndat ralkap pakhat an kap ngah ih pakhat khal hriam a tuar, tiah CDF-Mindat cun theihternak an nei.
Mindat peng doawknak ahhin SAC ralhrang ralkap lam khal thi le hlo an um, tiah an sim. SAC ralhrang cun ralthuam tum duhduh ih an kah ruangah mawhnak nei lo nauhak pakhat khal a thi.
June 29, zan nazi 10 hrawngah Mindat peng ah SAC ralhrang ralkap pawl cu anmah le anmah an kapaw ih ralhrang 3 an thih hleiah hriamtuar khal an um, tiah CDF-Mindat hnen ihsin theih a si.
SAC ralhrang pawl cu Hteelin ihsin Mindat peng sungah an ra lut ih doawknak vei 3 hnakih mallo a suak zo.
Curuangah CDF-Mindat cun bombawi an tulzia CDF-Mindat thuphuangtu Salai Ha Kui cun zangfah dilnak a nei.
“Chinram cu nikhua a se tuk. Doawknak le a sosang zet. Ram mipi pawl CDF-Mindat in bawm hram uh,” tiah Salai Ha Kui cun a sim.
Leave a Reply