CDF-Mindat in ralthuam tuahsernak an cawlhter ruangah lungawi lo

CDF-Mindat cun October 21 ihsin 24 tiang an tuahmi a ttum 6nk Central Defense Committee tonkhawmnak ah ralthuam tuahsernak cawl sung dingin thu an relcat, tiah theih a si.

Curuangah ralthuam sersuahnak Department lam an lungawi lo zet ih an department hotu sualpalhnak um loin an cawlhter sungmi hi mipi ralkap ziangih rel lonak le Central committee hin a duhduh in thuthencatnak a tuah ruangah ralthuam tuahsernak ih hotu pawl, nun rak liam zotu pawl makah an thun lozia le ramthukhel hlawknak ruahsan in tthentthekawknak an tawlrel, tiah ralthuam tuahsernak department cun thu an suah.

“CDF-Mindat ih ralthuam tuahsernak department cawlhter thu in ra sim cu, kan tuah laklawhmi pawl hmun dangah alak in kan pe men ding mawsi ka ti rero.

Thisen le thlanhri baksen tla ih a rak zuamtu pawl hmaisongnak tal nei hram uh,” tiah ralthuam tuahsernak Department ih ralkap Tantan Naing cun a Facebook ah a ngan.