CDF-Mindat hmincawi in Facebook Page lem tuah ih sumhawl an um

Chin ralkap, CDF-Mindat ih hmincawi in Facebook Page lem tuah ih Lucky Ticket zuar le sumhawl an um thu theih a si.

“Kan hmincawi in an cangvai rero. Himi hi CDF-Mindat in mipi hnenah kan theihter lohli a tul,” tiah CDF-Mindat ih tuanvoneitu Information and Public Relation Department in The Mindat Post hnenah a sim.

CDF-Mindat  သိန်းငှက် Battalion ih tuanvoneitu khalin “Hi Facebook Page hi kannih kan si lo, a lem rori a si. Atu Internet ih an thlahmi hmun ka thlen lawngah ka fiang. A zamrang thei bikin phorhsuak kan tum ding,” tiah The Mindat Post in a sim.

Hi Facebook Page lem hi 2022, December 13 hrawngih an onmi a si ih December 15 ah CDF-Mindat  သိန်းငှက် Battalion Logo telmi Profile Picture an hmansak.

The Mindat Post ih thuthang le cahram thenkhat khal an copy ih anmai ngan vekin an tarlang.

Hi Facebook Page lem cun Lucky Ticket an zuar ih sumpai bomnak khal an hawl rero, tiah anmah pehtlaihtu mi thenkhat in an sim.