SAC ralhrang sergeant pakhat cu cawlh la in a pai’ luangpi hnuaiah a tlung ih June 21 zing ah meithal in vei 5 an kah hnuah a thi, tiah tualsungmi pawl in an sim.
Ralhrang sergeant Myo Htwe hi Yangon ah tuanvo pek ih um a si ih cawlh la in Yangon ihsin Mandalay ramthen, Mahar Aung May peng, an inn ah a tlungmi a si.
June 21 zing ah Sergeant Myo Htwe cu Mahar Aung May peng, Aung Chan Thar veng, Damazung kiangih lam a feh laiah meithal in an kap, tiah tualsungmi pawl cun an sim.
Ralhrang segeant thih thu thawn pehparaw in Shan ramkulh, Lauk Kai Township, Kah Mah Yah (322) ihsin cawlh la ih tlungtu ralhrang pakhat cu bazaar a kai ih a tlunnak lamzin 41 (A) ih a feh laiah mipa pahnih bike to in an kap.
A bop ah hriamhma 1, a biang ah hriamhma 1, a kawngpi ah hriamhma 1, a hnakhang ah hriamhma 1 a ngah ih a thi, tiah Telegram thuthang ah an tarlang.
Ralhrang sergeant Myo Htwe cu hriamhma 5 ngah in a hmunah a thi.
Tawkfang in ralhrang tam zet an ra thleng cih ih lamzin sukso pawl ceknak an nei, tiah tualsungmi pawl in an sim.
Leave a Reply