Sagaing ramthen, Khin Oo khawpi nitlaknak lamih Pyin Htawng khua ih Myo Kaung Phaza timnak ah June 22, zinglam nazi 11 hrawngah SAC ralhrang pawl tualsung PDF in bomb an puah.
Hi bomb puahnak ah ralhrang 15 hnakih tam an thi. Tualsung PDF pawl cu siatsuahaw um loten dungah an sip thei zo, tiah PDF ih ralkap pakhatin a sim.
“Kan Thit khua lamah ralhrang 14 an thih ruangah anmah bawm dingin ralhrang 50 hrawng an ra. Bomb in kan rak puah hrih. Thi le hriamtuar an tam tuk ih ralhrang pawl cu ngaihsakaw man loin hmaiah an ra nor vivo. Cumi hnuah saih-tuai pakhat an ko,” tiah Khin Oo PDF ralhrang Ko Kala in a sim.
Cu hleiah June 20 ahkhan Khin Oo peng Mya Kan khua nisuahnak lamih caw pakhat cun ralhrang bo hnih a khit.
Caw hin a zahmawh ah a khit ngelcel ruangah ralhrang cu tom tulto in a tlu. Mina phurhnak motor an ko ih motor par a um laiah ralhrang bo hnih cu a thi, tiah mina phur motor mawngtu in a sim.
SAC ralhrang pawl cun Khin Oo peng ah duhdah zetin meithal an hmeh puak ruangah Kan Thit khua ih phun 9 kai tlawngta pakhat le Mu Thar khua ih innsang ralthuam in a ngah ih sizung ah an fehpi, tiah tualsungmi pawl in an sim. (Mizzima).
Leave a Reply