Colombia ah kum tinten an tuah theumi cawcang sual lehpinak puai cu June 27 sun ah Corrajela bualrawn ah an tuah.
Himi cawcang sual lehnaknak puai ahcun an tuahnak bualrawn donsang a cim ih puai zohtu mipi an tla vualvo. Minung 500 hrawngin hriam an tuar ih mi 5 hnakih mallo an thi, tiah tualsung media cun a tarlang.
A thitu hi nunau 2, mipa 2 le nauhak 1 an si, tiah theih a si.
Hmun hla taktak ihsin hi puai ra zoh an si ruangah a thitu pawl khuitawk ihsin ratu an si ti khal theih a si hrih lo ih latu nei loin an ruak a um lai.
Donsang (stage) cim hi a turu tuk ih hriamhma ngahtu khal bese zetzet an um ruangah hi hnakih tam an thih bet an zum fawn.
Atu-ahcun hriamhma ngahtu pawl cu Ivan Ferney Rojas khawpi ih sizung ah tuamhlawm rero an si.
Donsang a cim ruangah an terhmi cawcang rual khal an tlansuak thluh ih San Pedro khawpi sungah lut in buainak a thleng bet vivo, tiah an sim. Hinah video zoh a theih>>>
Hi vanduai thlen hi Colombia ah kum tin an tuah theumi puai pawl lakah an kum siat bik kum a si, tiah an sim.
Leave a Reply