Manchester United bawhlung sitthiam hminthang C. Ronaldo cun Manchester United Club ah phiarnak ka ton ruangah Club suahsan ka tumnak a si, tiah Piers Morgan thawn fianhrial interview-nak ah a phuangsuak.
Kum 37 mi Portugal bawhlung sitthiam C. Ronaldo hin atu vekin Manchester United ih a harsatnak a simphuan tikah amai hrang le Club hrang khalah a hngor na zetin thei dingin raltha zetin a sim.
Ronaldo cun Manchester United ah phiarnak a ton vekin Club sungih mi thenkhat in an iai thu a rel fawn.
Cu hleiah an manager Ten Hagin zianghman ah i rel lo ih kei khalin a parah upatnak ka pe thei ve ce lo, tiah a sim.
Ronaldo hi 2021 August thla ah Juventus ihsin Manchester United ih ra tthawn a si ih a kum a upat vivo vekin a ke a tla vivo thlang.
Atu ahcun manager Ten Hag kaihhruainak hnuaiah tthelhbawhtu menah a to ih First Line Up ih tel thei dingin nasa zetin a zuam rero, tiah theih a si.
Leave a Reply