British Siangpahrang fapa Harry in an innsang thu a phorh siat

British Siangpahrang fapa Harry ih nunthuanthu nganmi maksak.

No description available.

British siangpahrang Charles ih fapa nauta sawn, Harry cun, ‘Spare’ timi a nunthuanthu a ngan ih cumi sungah a nauhak lai ihsin tuni tiang a thiltonmi pawl pakhat khal hrelh loin pheh loin a tarlang.

Harry cun, 2012, 2013 ih raldonak Helicopter a rak mawn lai, Afghanistan ih hna a tuan laiah Taliban ralhrang 25 a thah thu a ngan tel.

Cumi laiah Taliban ralhrang pawl in anih cu milai fapa vekin hmu loin Chess leknak ih eiral dingmi zuk fate vek men fangah an hmuh thu a rel.

No description available.

Cun, a suakthuan thianghlimnak khal kum 17 a ti laiah nunau pakhat thawn zudawr dunglam, hmun fianhrial ah a cenpi thu, langtlang zetin a ngan fawn.

Kum 17, a panghel lai, phunsang tlawng a kai laiah cocain sichauk (‌ဆေးခြာက်) le thinlung thlengh danglam thei magic mushroom a fawh theu thu a phuangaw.

Siangpahrang Harry cun, a nupi US huleng Megan Merkel thawn an ngaihzawnawk laiah a u, William in a ngaizawng a lungkimpit lo thu, a u William cun a angki dirh tleksak in zial ah tlu vulvo ih a thong thu a tarlang hrih.

No description available.

Cun, sunghno a nu Diana motor accident ih a thih thu, a pa Charles in a sim caan ah a pa in hnemnak tongkam thlum thawn a pom duh lo thu a ngan tel.

Sunghno a nu Diana a thih hnuah an unau hnihten a pa Charles hnenah nupi dingah Camilla nei lo dingin an ttahhnawh, tiah a rel hrih.

No description available.

Camilla hi an unau hnih hrangah nu-ei sia-kha zet a si ding ih an innsang hrangah ttihnung zet a si ding, tiah a pa an ruahrel thu a tarlang. Cuticingin Charles cun a fapa pahnih ih thusim lung duh loin a nei thotho.

No description available.

British siangpahrang ruun-innpi sungih thilthleng, mi zaran ih theih ban lomi thuthup pawl Harry cun a haisuak ih ‘Spare’ timi nunthuanthu cabu a ngan.

“Spare” timi cabu hmin a putternak san cu suakthuan a si laiah a pa Charles in ‘Spare’ tiin camkhat a rak kawh theunak tongkam a si ih a sullam diktak cu ‘mi hleifuan’ lole sungkua lakih santlai lo bik, ‘bu delh’ tinak a si ih nautatnak tongkam a si.

No description available.

Be the first to comment

Leave a Reply

Your email address will not be published.


*