Kut den bomb tuahnak hrangah zian an tuah ih a puak sual ruangah PDF 4 an kang.
SAC ralhrang donak hrangih hman dingmi kut den bomb hrangah zian an tuah laiah a puak ih Chaung U Revolution Army ihsin mi 4 cu an kang ih hriamhma na zet an ngah. Curuangah sivai lam bomnak an tulsam, tiah Maung Medical Team hnen ihsin theih a si.
“Zian an tuah ih a a pin tuk ih a puak tikah meisa bangin a alh thei. Mi 4 an kang. June 12 ih thilthlengmi a si,” tiah Myaung Medical Team ih tuanvoneitu pakhat cun a sim.
“PDF 4 pawl cu meikang tuar in an taksa pumpuluk ah hriamhma an ngah. An pawlkom lak ihsin mi 1 doawknak ah hriamhma na zet a tuar ih mi 2 khal hriamhma na tuk lo an ngah,” tiah a rel bet.
Atu fang Sagaing ramthen sungih dothlengnak pawlkom tam sawn cu SAC ralhrang donak ah ralthuam an tingcangaw lo zet. Mahte rori ih tuah a tul.
Bomb le meithal an tuahnak ah an cangsual theu ih kut ke kim nawn lo khal an um hnuaihni, tiah theih a si.
Leave a Reply