Sagiang ramthen, Wetlet peng ah SAC ralhrang le PDF le SAC ralhrang doawknak an nei. Shwebo PDF hotu Bo Steel ဗိုလ်သံမဏိ le PDF ralkap 2 an thi, tiah theih a si.
June 9, simlam nazi 6 ah an nunnak an liam. Wetlet doawknak ah Bo Steel cun a nau le pahnih ralhrang in an kharhkhum ih cumi va runsuak dingin a va do laiah a lu an rak kap ngah,” tiah BVJ cun a sim.
Myaung peng PDF le humhimnak pawlkom cun nunnak liamtu Ko Steel thih thu ah tuarpinak capi an ngan.
“Ralthuam tuah dan thu ah a thiamnak Myaung PDF hnenah thla hnih sung in ra zirh. Nelaw zetih kan um laiah tuvekin a nau le pahnih runsuak dingin a zuam laiah a nunnak a liam ti cu tuar thiam har kan ti zet.
Ralhrang thazang 150 hrawngin an rak kharhkhum ih Bo Steel cu a nau le 2 thawn ram hrangah an nunnak raltha zetin an liam. A thih thu kan theih tikah kan riah a se tuk,” tiah capi an suah.
Bo Steel a thihnak ihsin a thisen man hlam dingah Myaung PDF cun thukamnak an nei.
Bo Steel thih thu ah Shwebo dothlengnak pawlkom cun thuthang suahmi an nei hrih lo.
SAC ralhrang in June 9 ah Wetlet peng sung an luhhnawh tikah PDF 2 cu an kharhkhum. Cumi runsuak dingin Bo Steel cu ralhrang 150 lakah a zuanglut ih an kahawk tikah a nau le 2 thawn ram hrangah an nunnak an hlan.
Leave a Reply