June8, 2022 ahkhan US ram hohatu pawl tonkhawmawknak (The (th Summit of Americas) cu Los Angeles Convention Center ah an nei.
Himi ah nunau pakhat cu US president duh lonak ausuahpi in lamzin laifangah au-rinnak keng in motor feh pawl a tibuai ruangah an kai.
Hi nu hi numi covo lam ih cangvai zettu a pakhat a si, tiah CBS Los Angeles thuthang cun an sim.
“Zanlam nazi 5 hrawngah nupinu pakhat cu Chick Hearrn Ct lamzin ah a suak ih daan pahbal in lamzin laifang ah a au,” tiah US Secret Srvice ih thuthang ah an tarlang.
Hi nu hin motor vak pawl a va naihniam ruangah Secret Agent pakhat in a va hruai ih lamzin sirah a fehpi. Nunau cu lungawi loin Secret Agent thawn an sual buaiaw hnohno lai video thlah a si.
Ziangmi bik a ausuahpi, Biden parah ziangvek lungawilonak a nei, ti lawngte thuthang ah an suah duh lo.
Leave a Reply