1. San an man: Nunau bawhlung sit zoh paih pawl hi a tlangpithu in san an man.
Mi lak vahsuah caan ah leitlun thuthang le theihkaunak lakah lehpannak a tel.
Politicians, sumdawng le biaknak lam sunsaktu pawl lakah bawhlung sit zoh dah lo khi a ngaingaite cun san man lo an si tlangpi.
Nunau bawhlung sit zoh paih cu san an man, an khawthlir a kau rori.
2. Um a har dah lo: Nunau bawhlung sit zoh paih hnenih um cu um a har dah lo.
Titi thunuam rel ding an nei ringring. Thil dang rel ding ciamco a um lo hmanah bawhlung sit thu relpi sehla ṭong coaw lo tiangin rel ding an nei.
An uar deuhmi player thu relpi tla cun rawl ei hman an hngilh thei.
3. Duhdawtnak a fekter: Fala thawn bawhlung sitthiam uartlangmi nei sehla tawhawk a um lemlo.
Amahbelte hi zawn hi ralrin deuh a ṭul. A lingletzawng in a ṭanmi Club lole a star-mi player na dokalh pang ahcun nan karlak boruak a ṭha thei lo ding.
Cuti si loin a uarmi na uarpi ve ahcun ziangtik hmanah a lo ṭhen thei dah lo ding.
4. Uimi a nei lemlo: Nunau menmen si sehla bawhlung sit uniform (jersey) na lei menah a lo theithiam dah lo ding.
Asinan bawhlung sit zoh paih nunau cun ziangvekin a uarmi Club jersey lei khal awla a lo mawhthluk dah lo ding.
Amah rori hmanin a lo leih lam ding.
5. Theithiamnak an nei: Mizan ah bawhlung puai zoh in simpi tiang meng awla zingpit na thawh thei lo khal asile mi zangzel ah a lo ruat dah lo ding.
A lo theithiam tuk. Ziangahtile anih tla a mengsuak deuhthaw in a zoh ve kha!
6. Nan lung a rual zet ding: Nunau bawhlung sit zoh paih lo pawl cu mipa ih a sawm hrat hmanah an thlun dah lo.
Asinan nang cu na paihzawng bawhlung sit zoh a paih ve ruangah an thu a rualaw ih nuam zetin nan zohtlang thei.
Anmah pahnih lawng nan si khal le zo dang ngai loin TV hmaiah nan laam, nan khir, nan zuang thei.
Leave a Reply