Bank tangka suamtu phungki nunau (nun) 2 tel in minung 7 kaih an si

A general view of participants during of the 33nd ordinirary session of the Human Right Council. 13 September 2016. UN Photo / Jean-Marc Ferré

Bago khawpi ih Irrawaddy bank ihsin Yangon ih phurhmi tangka ting 40000 cu lamzin ah suam a si thu thawn pehparaw in pungki nunau (nun) 2 tel in minung 7 an kai ih hihi PDF-Bago cangvaihnak a si, tiah SAC ralhrang lam cun September 14 ah thu an suah.

Thilthlen dan cu September 13 ahkhan Irrawaddy bank ih Supervisor U Min Min Oo hohanak in Bago ihsin Toyota motor 2 hmangin tangka MMK 4 billion hi an phurh rero laiah sun nazi 12:40 hrawngah Yangon-Mandalay lamzin ah suam an tong.

Suamhmang pawl hi Traffic police (PK) uniform hruhtu 1, palik uniform hruh ih meithal kengtu mi 2 le civil menmen mi 4 an si ih an zaten minung 7 si in bank tangka phurtu mi 5 pawl cu an ka, an mit le an ke pawl an tuamsak. Cutin motor parih tangka le phone 3 an lak hnuah Hijet motor in an tlansuak.

Hi bank suam thu thawn pehparaw in palik pawl in nasaten an zingzoi ih a hmaisabik ah an hruhmi uniform petu Myint Myint Naing timi cu zan nazi 7 ah Bago ah an kai. Myint Myint Naing ih relmi hnuthlurh vivo in Om Mar ih inn ih thleng amah Om Mar tel in Yan Lin Htwe, Aung Phyi Khant, Baung Khant pawl cu M79 grenade launcher 1 le tangka ting 700 hrawng thawn an kai. An rualpi pakhat Si Thu Phyu cu a relh, tiah an sim.

An kaihmi pawl ih sim vivo dan vek asile motor an suam ih hreihriam an hmanmi le sumpai pawl cu phungki nunau (nun) tlawng ah an ap, tiah an phuang ih cui’ phungki nunau (nun) tlawng palik pawl in an va dap tikah Daw Uppa Thamar le Daw Dhamma Sari an va kai bet. An hnen ihsin ralthuam tam zet khal an hmu. Sumpai an apmi pawl khal sala dip in an rak fun.

Cu hleiah Kala Kyi timi khal an va hup nan, a rak tlansuah man ruangah amah ngai kai loin Key Pad phone 10, kut ser bomb tuahnak thilri le 1000 tlang sumpai fun 17 an hmu bet.

Mipa 3 le nunau 4 an zaten minung 7 an si ih an kaihmi pawl cu M-79 grenade launcher 1, AK-47 meithal 2, ziandawng 4, cerek 220, MK-2 meithal 6, ziandawng 12 le a dang pawl an si.

Hi suamhmang cangvaihnak hi Bago PDF ih hotu Myo Ko ih tawlrelnak a si an ti ih an kaihmi pawl khal PDF member an si, tiah an sim. Aung Pyih Khant lawngte Irrawaddy bank, Bago bank rak tuan dahtu a si nan, CDM a luh ruangah a cawl tiah theih a si.

Bank tangka an suammi pawl khuitawk ah a thleng timi lawngte SAC ralhrang lam hin thuthang ah an tarlang duh lo.

Thenkhat cun hi suamhmang cangvaihnak ah sumpai phurtu le SAC ralhrang lam tangkop ih cangvaih hrimnak a si ding, titu khal an um. Hi thu ah PDF-Bago lam cun zianghman thu khirhmi an nei hrih lo, tiah theih a si. (DVB).

Be the first to comment

Leave a Reply

Your email address will not be published.


*