Bank bohtu an kaih thu ralhrang in thusuah

Karen ramkulh, Hpa-an CB bank bohtu pawl an kaih ngah thu SAC ralhrang cun thu an suah.

June 3 ah Karen ramkulh, Hpa-an khawpi ih CB Bank Branch (2) cu ralthuam keng in hringhro in an luhhnawh ih sumpai tam zet an la. Hpa-an-Myaing Gyi Ngu lamzin, Gyo Chaung khua check gate ah suamhmang cu kaih an si.

An kut sungah tangka ting 1200 lenglo, ralthuam le thil dangdang pawl cu nazi reilote ah an kaihsal thei thu SAC ralhrang cun thu an suah.

Hpa-an khawpi, No. (9) veng, Ye Kyaw lamzin ih CB Bank Branch (2) cu ralthuam keng mi thenkhat in an luhhnawh ih ralthuam phorh in an hrinhro hnuah tangka ting 1254 an lasuak.

Humhimnak latu ralhrang pawl cun hi suamhmang lakih tel pawl cu mi 2 an kai ih Glock pistol 1, ziandawng 2, cerek 5, phone 1, an lakmi sumpai ting 1254 pawl an lonsaksal.

Asinan an lakih mi 2 lawngte an tlansuak thei thu le hawl pehzom an si thu theih a si.