Bangladesh le Myanmar ramri, ram lawnglak ah leihnuai puuk 7 hmuh a si ih Rohingya ralkap a simi ASRA in an hmang, tiah tualsung thuthang in a tarlang.
Hi thu hi January 30 ah Turkey AA thuthang in a tarlang ih an milai rukmi pawl himi puuk sungah an khum theu thu, Rohingya mi pakhat in a rel.
Leihnuai puuk ihsin luh vivo tikah Myanmar ramsung a luh tlang theih, tiah a sim fawn.
Himi lei hnuai kua (puuk) hi ram hnih ritawknak, neitu nei lo, ram lawnglak ih um a si ruangah daan le dun khal um loin an khawsa, tiah AA thuthang cun a tarlang hrih.
ARSA ralkap pakhat TV ih thu an suhnak ahcun, leihnuai ah puuk 7 a um ih pakhat cu ARSA hotu umnak a si ih pakhat cu hotusang umnak a si. Puuk 5 ahcun ralthuam le hriamhrei sernak ah an hman thu a rel.
Duh tiktik caan ah Myanmar ramsung ih luh theinak dingah hi puuk hi laih a si thu ARSA ralkap pakhat cun a sim.
Leave a Reply