November 19, Singapore ih tuahmi One Championship, Mix Martial Arts thongawknak ah Aung La Nsang cun Japan mithongthiam Ushin Okami cu tibur hmawm tthul hlan Round 1nk minute 1 le second 42 ah a thong ril.
An thongawk theh ah Aung La cun, “Myanmar hrangah thlaza ka cam. Myanmar mipi ka duhdawt. Kan dung kum ihsin kan Myanmar in harsatnak tawpkhawk kan tuar.
Pehzom in thlaza ka cam. Pathian in daihnak in pe ding, tiah ka ruahsan. Curuangah catbang loin thla ka camnak a si,” tiah a sim.
Myanmar hmelmawitertu Mix Martial Art thiam, Kachinpa Aung La N Sang le Japan mithong thiam Ushin Okami cu November 19 zan ah Singapore ah an thongaw ih Aung La N Sang in tibur hmawm tthul hlan, Round 1 nak a neh.
Aung La N Sang cun amah pomtar dingih zawntu Ushin Okami cu a calpadar ah a khuk in a rak sawh. Cumi hnuah Aung La N Sang cun a tha neih patawpin a thong ciamco hnuah Referee in nehnak a pe.
Kum 37 mi Aung La N Sang hin tui’ thongawk ttum thawn MMA ah ttum 42 a thong thlang ih vei 28 nehnak co in, vei 13 a sung. Vei khat cu nehtu, sungtu um loin an bang, tiah theih a si.
Leave a Reply