Aung La Nsang in One Championship contract thar hminkhen, 2023 ah mi a thong cih ding

Aungla N Sang le One Championship Company contract thar hmin an khen ih 2023 kum thokah mi a thong cih ding.

Myanmar mi thongthiam, Kachin pa Aungla N Sang cu mi thong pehzom vivo dingin One Championship thawn lungkimtlangnak contract thar hminkhennak an nei, tiah theih a si.

Kan dungte ah ONE 163 ahkhan Japan mi thongthiam Yushin Okami olsamten a neh veten One Championship thawn Contract thar hmin an khen cih, tiah theih a si.

Kum 37 mi Aungla N Sang cun, “Contract thar hminkhennak ka nei pehzomsal,” tiah a sim.

Thuthang tharhlam bik vek asile 2023, January 13 ah China mi ‘Fan Rong’ thawn Thailand Bangkok khawpi ah thongaw ding an si, tiah theih a si.