Chin ramkulh, Paletwa peng, ရွှေလိုက်ဝ khaw tiang India Assam Rifles ralkap 15 pawl cu ralthuam keng in March 13 zing ah an lut ih an kir lamah meithal zun 10 lai an hmet puak ta, tiah theih a si.
Hi hmun hi CDF-Paletwa Battalion 2 hmunkharnak kiangte a si ih tuittum thawn Assam Rifles pawl Paletwa peng ah ttum hnih an lut thlang, tiah an sim.
CDF-Paletwa Chairman Salai Paul cun, “Assam Rifles pawl ttum hnih rori, ramri lungdawl zoh ding phuahlam in Myanmar lamah ralthuam thawn an ra lut. Lungphun le ရွှေလိုက်ဝ khua hi peng khat lai a hla. Ke ih feh tla cun nazi hrek lai a rei.
Cuticing in khua ah an lut. CDF-Paletwa in thlingthla tlukah kan ruat. An ra luh tinten SAC ralhrang in in kap ringring.
Cun, India le NUG pehtlaihawknak kan nei tiin an rel ih India ralkap tu le tu an ra luh ruangah annih thawn ziangtluk thureltlangnak an nei, timi suh ka duh.
India le NUG palai pehtlaihawknak kimcangten theih ka duh,” tiah a sim. March thla thok lam khalah Assam Rifles ralkap pawl Teddim peng sungah lut in mi pakhat an kai, tiah theih a si fawn.
Leave a Reply