Tuni (July 2) ah Asean Special Envoy Prak Sokhonn le Myanmar political Party 7 pawl tonkhawmnak an nei, tiah Cambodia Minister of Foreign Affairs and International Cooperation cun thu an suah.
Tonkhawmnak cu tui’ zing ah Yangon Lotte Hotel ah a si ih nazi 2 sung caan an hmang.
A teltu party pawl cu USDP, Pa-O National League, Zomi League for Democracy, Mon United Pary, Ta’ang (Palaung National Party, Arakan Leading Party le Arakan National Party pawl an sim.
Asean Special Envoy Prak Sokhonn thawn an tonawk tikah USDP chairman U Tan Htay cun an party mi le sa 1800 thah an si thu a rel.
Arakan Leading Pary Chairman Dr. Aye Maung khalin daan hrampi rem hnuaihni aiah a thar ngan sawn a tha ding, tiah a sim ve.
Hi tonkhawmnak ahcun khatlam khatlam tulsammi pawl kau zetin an rel ih thupi 4 an thursuak.
1. Ramkulh le ramthen sungih politics boruak le milai zawnruah bombawiawk dan thangsoter dingin.
2. Hnatuan pehzom dan ding le politics thuken 7 tawlrel dingin.
3. Myanmar ram buainak rehter dingin remdaihnak cangsuakter dan lamzin hawl dingin.
4. ASEAN le Myanmar lungkimtlangmi thukham 5 hnuthlurh in Myanmar ram buainak cinfel dingin.
Hi pawl hi ramthukhel le tlangpar hriamhrei kai pawlkom pawl thawn tuankhawm ding an zuam tum thu Cambodia Minister of Foreign Affairs and International Cooperation cun thu an than.
Leave a Reply