ASEAN palai in Min Aung Hlaing ih thulungkhen (3) a relsuak

Kan dungte ih Myanmar ram ih ra tlawngtu Asean Special Envoy Prak Sokhonn cun Min Aung Hlaing ih policy (3) phuansuahnak a nei.

ASEAN envoy for Myanmar crisis arrives on first mission | Eleven Media Group Co., Ltd

Dokalhtu minung pawl thawn hmuhtonawk dingah Min Aung Hlaing cun policy (3) a rel lang, tiah ASEAN palai Prak Shokhon cun a sim.

Prak Sokhonn hi Myanmar a tlawn laiah Mekong-Lanchang tonkhawmnak khalah a telpi ih July 4 ah thuthanglatu pawl hmaiah tuvekin a relsuak.

Min Aung Hlaing cun amah dokalhtu pawl cu a hmaisabik ah an khawruahnak thlengh danglam ta hai seuhla policy (3) thawn kaihaw in in tong hai seuh a ti, tiah Prak Sokhonn cun a sim.

Min Aung Hlaing cun amah an hmuhton duh asile (1) Acozah siatter dingin zuam nawn hlah hai seuh, (2) Acozah luban pawl aiawh thlengh tum hlah hai seuh, (3) 2008 daan hrampi sirhsan ah hmangin in thurelkhawmnak neih ding, timi pawl an sim.

Hi policy (3) relsuak dingah Min Aung Hlaing le  Asean Special Envoy Prak Sokhonn cu nazi 2 lenglo thu an reltlang ti a si.

Min Aung Hlaing ih lungput zoh tikah a khong remrem lai ih amah dodaltu CRPH, NUG, PDF le tlangpar hriamhrei kai pawl a cohlang ngaingai lo ti a fiang.

Asean Special Envoy Prak Sokhonn khal a beidong zet ih Myanmar a tlawnnak cu sincaw heu le cang pal cim men a si, tiah mangbang in a ausuak.

ASEAN special envoy making 2nd visit to strife-torn Myanmar | AP News

Myanmar ram thawidamnak hrangah sivai ka nei lo a si hi, tiah a sim fawn.

Be the first to comment

Leave a Reply

Your email address will not be published.


*