An rualpi Pyusawhtee pawl ihhmu sii an hrai hnuah meithal la in PDF hnenah an tlanlut

Ralhrang le an rualpi Pyusawhtee pawl ihhmu sii an hrai hnuah ralthuam thawn Pyusawhtee 2, PDF hnenah an tlanlut.

Magway ramthen, Pakkoku peng ah SAC ralhrang le Pyusawhtee pawl ih ei ding, rawl kiomi ah ihhmuh sii an rawi ih an ihsep laifang ah Pyusawhtee 2 cun ralthuam an la ih PDF hnenah an tlanluh thu PDF-Myaung peng Battalion 1 ih Bo Letyar in a sim.

Pakkoku peng, ဘုန်းကံ lamzin ttek, ကောင်းစက်ဝိုင်းပန့် dawr kiang, ခလရ 254  ih ralhrang 4 le Pyusawhtee 11 pawl cu Pyusawhtee 2 in an ei dingmi rawl kio ah ihhmu sii an rawisak.

Cutin an ihthat thawt laifangah meithal le cerek/ziandawng la in Pyusawhtee 2 cu November 23 ah PDF hnenah an tlan, tiah theih a si.

“Zan nazi 12 lan hrawngah an ra tlanlut. MA4 meithal 1, MA3 meithal 1, Carbine meithal 1, ziandawng 5, cerek 58, Carbine ziandawng 3 le a cerek 51 an lasuak ih in ra kom.

Rawl kio ah ihhmut sii an rawi mal deuh ih… cu lo sehla meithal 13 an lasuak thei ding nan,” tiah Bo Letyar cun a sim.

PDF ra fintu Pyusawhtee 2 cu tangka ting 50 veve pe in sakhan thawn hlatnak hmun him ah an kuat zo thu theih a si.