Ireland pacang kum 66 mi cu a nupi thawn nupa sinak an hman hnu minute 10 a rei ah a thluak buai ciamco ih thil a cinken theinak pawl a hloh, tiah Irish Medical Journal cun a tarlang.
Hi pa hin nupa sinak hman ruangih thluak ih thil cinken theinak a hlohnak hi a mak lawlaw.
A liam zomi caan ih a thil tuahmi pawl a thei nawn lo ih thil a hminsinmi tete pawl khal a mang nawn lo, tiah an sim.
Hivek natnak hi merai natnak lole zeng natnak (lay-phiat) thawn a pehparaw lo ih rei lote sung thluak cinken theinak hloh natnak phun khat a si, tiah Irish sibawi cun a sim.
/gettyimages-532419418-3c75d175a8764009864225d6f149096f.jpg)
A nupi thawn nupa sinak an hman theh tikah minute 10 a rei hnuah a thluak a buai. A ngel ih khihmi nazi lawngte a thei lai, asinan an nupa ih an neihawk ni le thla pawl a theih nawn lo ruangah a beidong zet thu sibawi pawl hnenah a sim.
Kan dung ni reilote ah an nupa ih neihawknak cam (wedding Anniversary) khal an sungkimten an lawm ta. Asinan cumi ni rori khal a mangngaih nawn lo ih a nupi le a fanu hnenah a sut leuhleuh.
Amah cu Emergency in sizung ah luhpi ih sibawi pawl in an thluak lam an tuamhlawm rero. A hleice in kum 50 le 70 karlak pacang pawl hin hivek buainak an tong duh zet, tiah sibawi pawl in an sim.
Asinan tuamhlawm ahcun a dam mai ko ding, tiah an rel.
Leave a Reply