An neihawk ding ni ah nunau in a thihsan

X Factor zuamawknak ih tel dahtu Tom Mann cu June 17 (tlawngkaininga) ah nupi dingih a hammi Dani Hampson kum 37 in a thihsan.

Dani Hampson hin an neihawk ding ni ah a thihsan, tiah Tom Mann cun lungse vankai in a sim.

Tom Mann cun Instagram ah, “Ka thin a na zet, ka kekkuai rori a si ko,” tiah an neihawk ni sunglawi cu lungsiatnak ni ah thlakthleng a si ruangah a tuar natzia a rel.

Dani Hampson ih thih dan hi rellang a si lo ih NBC News ih tarlang dan vek asile 2020 laiah neihawk an rak tum lawk nan, pulhhri ruangah an pitlin thei lo.

Cutin an neihawk ding ni cu an thawn vivo ih June 17, 2022 ah Dani Hampson cun lungsiatthlak zetin mual a liamsan.

Tom Mann shares heartbreaking tribute to his fiancée after her sudden death on their wedding day | Daily Mail Online

Annih pahnih hi Mirang daan takten rak umtlang sung (living together) in an um ih fapa thla 8 mi Bowie timi an nei zo.

Dani Hampson hi PR executive le laamthiam a si ih Take That le Little Mix hleiah Spice Girl pawl thawn hna rak tuantlang an si.

Tom Mann hi 2014 ah The X Factor ah hlasak zuamawknak ah a rak tel. Cumi hnuah Boy Band, Stereo Kicks ah telter a si.

Tom Mann cun an fapa Bowie hrangah nu le pa cancang in a zohkhen ding thu a rel.

Dani Hampson a duhdawtnak cun cem ni a neih lo ding thu langternak ah an neihawk zunghruk khal a hru vivo tum, tiah a rel.

X Factor star Tom Mann was happier than ever in year before fiancée's tragic death - Mirror Online

Atufang harsatnak a tonmi parah amai’ bulpak thu ah theihthiamnak nasa zet nei dingin mipi pawl a dil.

Be the first to comment

Leave a Reply

Your email address will not be published.


*