Mexico ram thlanglam ih Wahakan ramkulh, Pedro Huamelula khua ah rawl paṭhatnak hrangah tiin an nunphung ih an tuah ṭheumi daan thlun in an khawpi uktu (Mayor) cun June 30 ah tisartam thawn neihawknak an tuah, tiah theih a si.
Mayor Victor Aguilar timi cu June 30 ah tisartam thawn neihawknak puai rori an tuah ih hall sungah mopuai cu an hmang. Mipi pawl sehser khawng in le laam in an khawpi uktu ih nupi neihnak puai cu an hmang. Mipi lam cun an khawpi uktu cu a nupi (tisartam) hnam dingin an auh celcel hai.
Mopuai ahcun Pedro Huamelula mayor Victor Aguilar cun a nupi Tisartam in keu pang a phan ruangah a hmur hridai in a ṭawn ih vei khat cu a vun hnam.
“Ruahpi kan khop ih rawl kan thar ṭhat theinak dingah kan nunphung ih thlun ṭheumi daan kan tuah a si,” tiah mayor cun a rel.
Wahakan ramkulh sungah hin nunphung le ṭong an humhual zet ih miphun le hrinhnam pawl an sinak hlo lo dingin an kilkhawiaw ṭha thei zet.
An nunphung vekin tisartam thawn neihawknak hi Chontal le Hauva hrawngih khawsa miphun pawl in hlanlai ihsin tuni tiang an hmang lai, tiah theih a si.
Leave a Reply