An kai ih a rualpi an biakter, anih cun a rualpi pawl hnenah thilthlen dan dik a sim ruangah ralhrang in an that

SAC ralhrang ih kaihmi mino pakhat cu a rualpi pawl phone in an biakter ih an kaih thu ṭhaten a sim lawlaw ruangah an that, tiah theih a si.

No description available.

Ralhrang pawl ih mi an hrem ṭheunak hmunah an kaihmi pawl cu hreng an sut ih an kut khal hridai in an ṭawn hai.

Hi mino cu a rualpi (PDF) pawl kaihter duh ah ralhrang in phone an hmanter ih a rualpi pawl hei thlemthlu hai dingin an fial.

Asinan mino cun a rualpi pawl phone in a hei bia ih ralhrang ih an kaih thu le a rualpi pawl cu ralringten um hai dingah a hei sim linglet.

Amah hi Ko Wai Yan Soe a si ih Wetlet PDF commando Batch (3) training ṭhehsuak a si ih lehhnu ahcun battalion pakhatah commander ih an retmi a si, tiah theih a si.

Ko Wai Yan Soe cu a rualpi pawl hnenah ralhrang in an kaih thu thaten a hei sim ruangah ralhrang pawl cu an thinheng tuk ih an that.

Video ih a lang danah Ko Wai Yan Soe cu phone a biak theh veten a kiltu ralhrang cun a lu ah a vuak ciamco. Cumi hnuah an that, tiah a rualpi pawl in an sim.

No description available.

Anih hi an khua ah SAC ralhrang thawn an doawknak hmun ah ralhrang ih kaih tongmi a si.

Be the first to comment

Leave a Reply

Your email address will not be published.


*